Kawlgam sungah Rock Stars minthang mahmah Lay Phyu in lathak liklek khat December kalmasa sungin hawmkhiading cih Irrawaddy pan kiza hi. Tua ahawmkhiatding la minpen “Bagan: First Myanmar Empire” kici a, nungdiak in zinling in asiagawp Bagan Temples te puahkik nading ngimna tawh abawlkhiat uh ahihi.
Hih “Bagan: First Myanmar Empire” pen Myanmar Music Store pan in Online ah ki leitheiziauding hi. Kawlgamsum 300 Kyats bektawh kizuakding a, January khasung inzong Music Video leh Documentary Video te ki khahkhiading cihi.
Hih lathak zuakna panin amet apung khempeuh Bagan Temples puahkik nading in mawhpuak anei ahi Archaeology Department in Bagan, UNESCO, leh Bagan Heritage Trust te kiangah huhna in piakhiading uh cihi. Hih “Bagan: First Myanmar Empire” kici lagelh pen Myo Swe Than hi a, Album Cover Design zong ama suaih ahihi.
Ama ii Facebook tungah hih ladawng agelhna ahangpen hihbang in Post khia cihi.
“Bagan has been damaged in the past. No matter how it was damaged, Bagan survived. There was Bagan before our existence and it will be there without us. It will be there as proof of our culture, race and country as long as the world exists. We don’t want you guys to cry for Bagan, but to be united,”
Bagan pen Kawlgam sungah gamdang mite lunglutpen Tourist Attraction khat hi a, leitung inzong atheih mahmah munkhat ahihi. ZD Sawltak #zomidaily