Singapore ah World Cup sum kitahvai tawh mi 31 leh sum $1.25 Million kimankhia
Singapore gamsung ah phalna omlo, thukhun tawh kituaklo in World Cup sum kitahte aki matkhiatlaitak Video Clip pen Singapore Police Force te’n amau Facebook Page tungah zanni (July 04) ni in khahkhia uhhi.
Tuabangin World Cup sum kitahna “Gambling” akimawlte aki matkhiatni, Operation akibawlni pen July 02 hi a, akigawm in mi 31 kimankhia uhhi.
World Cup Gambling tawh akiman tepen pasal vive hi uh a, kum 22 panin kum 74 kikal hi in, World Cup tukpeng kimawlna pen azo alelding sum kikham uh “illegal football betting” cihtawh akimankhia ahihi.
Singapore Police Force te’n akhahkhiat uh Video Clip sungah Police Officer 2 te’n sikkongkhak Drill tawh atankhiat laitak kimuthei a, mei-am lengkhia ziahziah hi. Sikkongkhak “Metal Gate” a attankhit uhciangin asungah kongkhakpi “Door” pen siktawn khattawh khahphei in kongkhak hongphei uh a, innsung ah alutlaitak uh kimuthei hi.
Video: In an operation against unlawful World Cup remote gambling conducted on 2 July 2018, police officers from the Criminal Investigation Department, Police Intelligence Department and the Special Operations Command mounted simultaneous raids at multiple locations islandwide. 31 men aged between 22 and 74 were arrested for their suspected involvement in illegal football betting under the Remote Gambling Act.
Tua Apartment sungpanin Police Officer te’n Laptop, sum Cash leh Document laithupi pawlkhat mankhia uhhi. Tuabangin Singapore Police te’n World Cup sumkitah te amatkhiatna panin akigawm in sum S$1.2 Million mankhiathei uh cihi.
Hihbangin thukhun tawh kituaklo in sum kitah, Unlawful World Cup Gambing te aki matkhiatna ah Criminal Investigation Department, Police Intelligence Department, Special Operations Command te kihel uh a, July 02 ni in Singapore gamsung muntuamtuam ah Operation abawl kawikawi uh ahihi. Sawltak #zomidaily