Tuni Pasian Kammal (Feb 12, 2018)

Tuni Pasian Kammal (Feb 12, 2018)

Lum-in ka ihmu a, Topa in hong kem ahih manin ka thokik hi. (Late 3:5, TDB)

1) Nitak lumin zingsanga i thawhkik zel pen a ngeina sa kha thei hi hang. Nitak lum zingsang a thokik nawnlo tampi om ahih manin a ngeina danin ngaihsun kei in.

2) Topa kepna omlo hi leh zan tawntung i ihmut sung genloh mitphiat kal khat nangawnin thupiang tampi om hi. Thu tuamtuam la tuamtuam na zak ciangin nang zong a tuak ngeilo ding danin na ki ngaihsut kha hiam? Ei tung zongah hong tung thei lua zen hi.

3) Tuni khuavak pha na ngah Topa tungah lungdam ko in. Topa aw bang ci nuntak dingin kei hong deih na hi hiam? Lum in ka ihmu-a, Topa aw nang man nong kep manin a thokik ka hi hi. Hunpha khat nong piak nang ading a mannei in hong zangsak in ci ciat ni. A men

Sia Thang Nen Mung
Logos Life

Zolai Malgawm dan

1) LST sunga Zolai/kam/pau ahilo kammal limlim Manglai/kam/pau (English) malgawm danin zangh lehang i zat dan a kibangkim baih dingin ka lamen hi. Min khempeuh zong Manglai malgawm danin gawm dingin hoih kasa hi.

2) A aw suah ciangin Zopau aw suah ding (Ahih theih leh Mangpau aw suah tawh kineh leh hoihsa lai ingh)

3) I LST i cih hangin LST zong nam tampi neita hihang. Amau malgawm dan khat-le-khat kibang hetlo hi (Zeisu, Jesuh, Jesu…)

4) I LST tuamtuamte malgawm dan kibanglo bek thamloin i omna dung zui in ei aw suah ciat tawh kimalgawm lai hi (Mun tuamtuam a om Zomite).

5) Tua ahih manin Zolai/kam/pau ahih kei leh i phuah tawmtawm sangin Manglai/kam/pau ah kigawm lehang kipumkhat baih penna le noptuamna tampi hong piangsak dingin ka lamen hi. Min khempeuh zong Manglai malgawm danin gawm dingin hoih kasa hi. Adam, Abraham, Moses, Jesus, Peter, John, James…

Rev Dal Lam Mang
Logos Life