Tuni Pasian Kammal (Jan 15, 2019)

Tuni Pasian Kammal (Jan 15, 2019)

“Ahi zongin nungzuite in tui tungah hong pai a muh uh ciangin lau mahmah uh a, “Sikha hi,” ci-in ngaihsun uh ahih manin a lau manun a awng uh hi” (‭‭Mathew‬ ‭14:26,‬ ‭TDB‬‬).

1) Sun-le-zanin kinai taka a kithuahpih a nungzuite in Jesus enkhialuh hi. Etkhialh maimai ciang hilo-in “sikha” in ngaihsun mawkuh hi.

2) Leitung i cih pen i kithuahpih, i kinaipih, i kipawlpihte mahmah in “sikha” hong sak hun a om lua ahi hi.

3) “Sikha” hong kisak hun khawng ciangin “sikha” i nahih takpiloh ding thupi mahmah hi. Banghang hiam cihleh ei hihna tawh hong kimawhsak ciangin ahi ding mah ahi hi. Ahi zongin ei hihlohna tawh hong kimawhsak zenzen ciangin hoihtak i puak siam leh tua tengah “thaman tampi” om ahi hi.

4) “Sikha” hong kisa ngei hiam? Hong kisak leh hong kisaknate thudam tawh hoih takin ngaihsun pha inla maban zom in!

Dal Lam Mang
Logos Life