Tuni Pasian Kammal (Jan 16, 2019)

Tuni Pasian Kammal (Jan 16, 2019)

Tua ciangin Jesu in a nungzuite kiangah, “Mi khatpeuh in ka nung hong zuih ding leh amah le amah kinialin, ama singlamteh kisuanin hong zuih pelmawh kul hi” (‭‭Matthew‬ ‭16:24,‬ ‭ZIV‬‬).

1) Jesus nungzuihna ah puak det ding a kisam in “singlamteh” ahi hi.

2) Singlamteh pen a gih mahmah hangin nusiat theih hilo hi. Singlamteh i nusiat hunhunin Jesus nungzuih a kitawp ahi hi.

3) Banghangin singlamteh puak det kisam hiam cihleh a kisap hunhunin i kithahna ding ahi hi (Matt 16:25).

4) Bangteng that ding i hiam cihleh “Ngaihsut khel, tualthahna, angkawmna, numei le pasal paktatna, guktakna, zuau teci panna le gensiatna” (Mat 15:19), “Numei-pasal paktatna, siantho-lohna le hukna-lanna; milim biakna le bumna; muhdahna, kilemlohna, hazatna, hehluatna, angsung khualna, kilungkim lohna, kipawlkhennate le enna, zukhamna, uangtatna” (Gal 5:19-21) cihte ahi hi.

Dal Lam Mang
Logos Life