Zomi North Cup 2015 ong nai semsem ta

Zomi North Cup 2015 ong nai semsem ta

Dear Zomi tuukpeng uuk khempeuh,

Ahong tung ding Zomi North America Cup tuukpeng pawipi – USA gam Michigan State Grand-Rapids khuapi ah Zomi Innkuan Grand-Rapids innteekna tawh September 6, 2015 ni-in nasia takin kibawl ding ahih manin, USA gam sunga om Zomi tuukpeng team a lunglut khempeuh te kong sam uh hi.

Tu ni ciangciang ah Chicago team 2, Columbus team 1, Grand Rapids team 1, Battle Creek team 1, Indianapolis team 2, Louisville team 1, Bowling Green team 1, Nashville team 1, Tulsa team 1, Marshal town team 1 cih bang hita a, ahong kihel nuam lai aom leh nong zaksak baihna dingun kong zasak uh hi.

Zintun ni – September 5, 2015 ( Saturday ) nitak 6:00 p.m. a nunung pen hi dinga, innteek Zomi Innkuan Grand-Rapids te thusiamna leh vaihawmna tawh zintun na ding inn leh neek le dawn limtakin ong vaihawmsak ding uh hi. Zintun nitak mah in tuukpeng pawi ong siim khempeuh lasakkhopna tawh kilawmtaatna kinei ding hi.

Zomi North Cup tawh theih huai thu pawlkhat:

1. Tuukpeng kimawl dingte in Zomi hi dinga, a nu ahih kei leh a pa, ahih kei leh a zi Zomi hi-ingh a kici te hi hamtang ding hi.
2. Team cing zo lo te’n khua dang pan la thei dinga, ahi zongin a lakna khua te in a nial a leh kihel theilo ding hi.
3. A khatna te Zo Daaktal khat, Medal leh $ 1,500.00
4. A nihna te Medal leh $ 750.00
5. Team lutman $ 300.00
6. Tuukpeng kimawl ding te khempeuh Zomi North Cup thukhunte a zui dingte hi thei bek ding hi.
7. Team Uniform ei mau deih bang tek kisilh thei ding hi.

Note: Dotnop aom aa leh :

1. Pa Khaithawh ( 269-830 0067 )
2. Pa Khual ( 616-272 2868 )
3. Pa Michael Tuang ( 847-897 9289 )
4. Sia Paupi ( 614-625 6233 )

Zomi itna sungah,

Executive Committee
Zomi North America Cup